સુનિલ શાહ mari school na teacher

પાંપણોની ભીતરે ચોપાસ શોધી રાખજે,

તું ટપકતાં આંસુનો ઈતિહાસ શોધી રાખજે.

 

સ્નેહનો દરિયો વહે છે આયખાને આંગણે,

પી શકું સઘળું, તું એવી પ્યાસ શોધી રાખજે.

 

ફૂલ ભમરાને લઈ લે બાથમાં, એ રીતે તું,

આપણી વચ્ચે નવો વિશ્વાસ શોધી રાખજે.

 

સાંજને છેડે ભલે ઢળતો રહે છે સૂર્ય, પણ,

જાતમાંથી તું સ્વયં અજવાસ શોધી રાખજે.

 

લાગણીની ભીની કૂંપળ ફૂટવા લાગી છે અહીં,

આ હૃદયથી તે હૃદયનો પ્રાસ શોધી રાખજે.

~ by દાળવાળા જીતેશ on May 3, 2009.